A aula de teatro Avelaíñas do Losada comeza unha nova xeira de traballo neste curso 2026-2027.
O martes 20 de outubro está convocada a sesión de presentación do grupo á que estás convidado/convidada.
Será ás 15:00 horas no salón de usos múltiples do IES Plurilingüe Antón Losada Diéguez.
VEN PROBAR!!!
O mércores recibimos no Losada a visita do alumnado do grupo de teatro do centro educativo de Bueu, Comediantes anónimos, para poñer en escena a obra Aquí cheira a tigre, unha interesante e actual reflexión sobre as relacións e dinámicas entre un grupo de alumnos dun centro educativo calquera. O grupo, dirixido por Fran Paredes, colleitou o aplauso do alumnado e profesorado do Losada asistente á posta en escena. Pero a visita non quedou aí, pois a seguir os nosos convidados e convidadas foron guiados polo alumnado de Avelaíñas Teatro nun percorrido cultural e literario polas rúas da Estrada, que serviu para presentarlles os aspectos e personaxes máis destacados do noso concello.
Ao volver, comartiron xantar na cafetería do Losada, antes de despedírense, citándose xa para o día seguinte en Bueu.
Podes ver as mellores fotos da xornada picando na imaxe:
E o xoves a aula de teatro Avelaíñas do Losada, dirixida por Fran Campos tivo a ocasión de presentar a súa particular versión de Romeo e Xulieta nas magníficas instalacións do centro bueués. Moi recompensada coa ovación do público asistente. Despois foron guiados polo grupo anfitrión a unha visita á vila de Bueu aproveitando o roteiro do río Bispo ata a praia de Banda do Río. E como non, compartiron xantar e continaron afianzando lazos de amizade para o futuro.
E aínda houbo tempo para desprazarse a Cangas e achegarse a Vigo en barco para gozar da cidade olívica.
As mellores fotos da visita, picando na imaxe:
Volveremos encontrarnos
A Aula de Teatro Avelaíñas do Losada, completa con éxito un novo curso de obradoiro teatral. A última semana do curso puxo en escena, magnificamente, a súa particular adaptación do Romeo e Xulieta, que fixo as delicias do público e para a que levaban traballando estes dous últimos trimestres.
Os pases para o alumnado foron o día 16 pola tarde e pola noite para as familias
A última posta en escena que foi o xoves 18 de xuño no IES Johan Carballeira de Bueu, á que dedicaremos a seguinte entrada neste blog, así como a crónica da visita do seu grupo de teatro que actuou para a comunidade educativa do Losada o mércores 17 de xuño.
Para quen non puido gozar de Romeo e Xulieta en directo, aí queda o pase íntegro realizado o 16 de xuño para o público xeral no Losada.
Moitísimos parabéns para Lara, Iker, Carolina, Lía, María, Brais, Noa, Lois, Manuel, Iago e por suposto para Fran Campos, director do grupo.
Podes gozar coa posta en escena de Voces dende o entullo:
Foi o pasado 26 de novembro no Teatro Principal da
Estrada.
Parabéns polo traballo a Lara, Iker, Carolina, Lía, María, Brais, Noa, Lois, Manuel, Iago e ao seu director Fran Campos.
Se queres formar parte da Aula de teatro Avelaíñas, achégate á reunión que terá lugar este xoves, 25 de setembro no salón de usos múltiples ás 12:25.
Ven e goza do teatro!
Un novo curso de teatro no Losada.
Despois do proxecto levado a cabo no primeiro trimestre, a aula de teatro do Losada, Avelaíñas, continuou co seu traballo que deu como resultado a posta en escena da obra, Xoana sen medo, baseada no popular conto dos Irmans Grimm, e adaptada polo director Fran Campos.
A Aula de teatro do Losada, AVELAÍÑAS, presenta o espectáculo no que veu traballado nos dous últimos trimestres, despois do realizado no primeiro, A vida é un cásting.
Xoana sen medo é unha adaptación teatral, en clave de clown, do famoso conto dos irmáns Grimm, realizada polo director do grupo, Fran Campos.
Un Rei promete a man do seu presumido fillo, e polo tanto a coroa e o reino, a quen sexa capaz de pasar unha noite no seu castelo encantado.
Preséntanse catro candidatas, entre elas Xoana, que se dispoñen a pasar a noite entre pantasmas, cabaleiros defuntos, vampiros… Pero como “quen ten cu, ten medo”, irán descubrindo que tanto uns como outras teñen os seus conflitos, as súas frustracións, dúbidas, medos: a soidade, o fracaso, a morte… e irán axudándose entre todos e todas.
E que pasa con Xoana, gañará a proba ou terá tamén algún medo que descoñece?
Un obra que fala sobre como enfrontarse, xestionar e convivir cos medos propios.
Os pases que se realizaron foron os seguintes:
MARTES 1O DE XUÑO
16:30: 2º ESO e 4º ESO
17:10: 1º BAC e 3º ESO
MÉRCORES 11 DE XUÑO
20:00: Familias, profesorado e público xeral
LUNS 16 DE XUÑO
IES A BASELLA
Vilanova de Arousa
Unha vez máis, o resultado do traballo foi excelente, acandando o aplauso e felicitación en todos os pases realizados.
Picando na foto poderás coas mellores imaxes da actividade
Trátase do divertimento teatral A VIDA É UN CÁSTING, composta dunha serie de escenas arredor das escollas que temos que facer habitualmente nas nosas vidas.
A representación terá lugar o martes 17 de decembro no salón de actos do Losada:
16:30 para os grupos de 2º ESO e 1º BAC
17:20 para os grupos de 3º e 4º ESO
Parabéns polo traballo!!! E a seu dire Fran Campos tamén.
As mellores fotos da obra AQUÍ
Se queres formar parte da Aula de teatro Avelaíñas, achégate á reunión que terá lugar este xoves, 26 de setembro no salón de usos múltiples ás 12:25.
Ven e goza do teatro!
Nunha nova anterior explicamos o programa de funcións do grupo e aquí deixamos unha foto do grupo ao final das mesmas, acompañado polas fillas de Olimpio Arca, profesora e escritor autor da obra escollida para este ano. Podes picar nela e ver todas as fotos.
Queremos felicitar a todos e todas as compoñentes do grupo, así como ao seu director Fran Campos, polo magnífico traballo realizado este curso. Viva o teatro no Losada!
E podes gozar coa obra completa neste vídeo:
18 de xuño, martes
19 de xuño, mércores
Posta en escena da obra Pelexa no souto, de Olimpio Arca Caldas, a cargo da aula de teatro Avelaíñas do Losada no IES O Carril (Vilagarcía de Arousa)
20 de xuño, xoves
