Nesta ocasión o alumnado de 3º ESO realizou un estupendo traballo na creación de contidos para o informativo. Iker Recio Matalobos e Loli Porto Arca desenvolveron un brillante papel como presentador e presentadora do noticiario.
Non agardes máis para velo:
Podes descargar a revista a toda cor aquí:
Un total de cinco funcións en menos de unha semana. Así foi a posta en escena de MADE IN LOSADA, creación da Aula de Teatro Avelaíñas do Losada baseada en Made in Galiza de Séchu Sende.
O pasado xoves, 8 de xuño, a aula de teatro, Avelaíñas, do Losada, desprazouse ao IES Salvaterra de Miño para poñer en escena MADE IN LOSADA, creación teatral inspirada en textos de Made in Galiza de Sechu Sende. O grupo realizou unha magnífica representación para alumnado de 1º e 3º ESO. Ademais, despois de seren agasallados cun refrixerio, visitaron as instalacións do centro e tamén algúns lugares da vila de Salvaterra e Monçao. Un día moi emocionante, e moi ben aproveitado.
E xa podes ver e gozar con Made in Losada:
A noite do martes 6 de xuño foi especial. O Teatro Principal da Estrada ateigouse de xente para aplaudir aos gañadores e gañadoras da X Festa das Palabras #DINAMIZAESTRADA. E claro, alí estiveron os nosos rapaces e rapazas recollendo o seu premio: Gabriel Marín Sinde, Carla Álvarez Fontenla, Ainhoa Fuentes Castro, Noel Ramos Caramés, Yara Fuentes Mosteiro e Noelia Ferreiro Porto. Moitos parabéns a todos e a todas, e tamén a Dinamizaestrada por esta festa tan ben organizada.
Foi presentada a X edición da Festa das palabras por parte dos Equipos de Dinamización da Lingua Galega, DINAMIZAESTRADA.
A
Festa, que chega á décima edición neste curso terá lugar no Teatro
Principal da Estrada o vindeiro martes 6 de xuño ás 20 horas. Na mesma entregaranse os premios do Concurso de micropoemas e microrrelatos desta edición.
Charo Golmar, escritora lalinense será a madriña da festa, e dirixirase aos rapaces e rapazas e público asistente o próximo martes.O grupo de música Proxecto Valladares, porá a nota musical ao evento que será presentado por rapaces do IES Nº 1.
A presentación da festa na prensa:
Faro de VigoPercorremos as rúas da Estradas botando a lingua fóra. O LOSADA FALANDO, A LINGUA VOANDO foi o lema escollido polo alumnado de 3º ESO do Losada que participou o mércores 31 de maio no Correlingua. Alegría, bo humor e participación moi activa no evento. Luciron con orgullo os autocolantes deseñados por Lara Rey. Bailaron ao ritmo da Mekánika Rolling Band e ceibaron o globo facendo piña pola lingua. Enma e Pablo subiron ao palco a recoller os agasallos.
Podes ver ás mellores fotos da participación do Losada no Correlingua picando nesta imaxe:
