A última semana do curso xa puidemos gozar co novo número da revista do EDLG Losada, Elogho?
Está chea de cousas interesantes.
Fermosa portada de de Claudia Reimóndez Regengo, de 4º ESO, e a ilustración da contra é de Lorena Balado tamén de 4º ESO.
Se queres podes vela ou descargala a toda cor aquí:
O mércores recibimos no Losada a visita do alumnado do grupo de teatro do centro educativo de Bueu, Comediantes anónimos, para poñer en escena a obra Aquí cheira a tigre, unha interesante e actual reflexión sobre as relacións e dinámicas entre un grupo de alumnos dun centro educativo calquera. O grupo, dirixido por Fran Paredes, colleitou o aplauso do alumnado e profesorado do Losada asistente á posta en escena. Pero a visita non quedou aí, pois a seguir os nosos convidados e convidadas foron guiados polo alumnado de Avelaíñas Teatro nun percorrido cultural e literario polas rúas da Estrada, que serviu para presentarlles os aspectos e personaxes máis destacados do noso concello.
Ao volver, comartiron xantar na cafetería do Losada, antes de despedírense, citándose xa para o día seguinte en Bueu.
Podes ver as mellores fotos da xornada picando na imaxe:
E o xoves a aula de teatro Avelaíñas do Losada, dirixida por Fran Campos tivo a ocasión de presentar a súa particular versión de Romeo e Xulieta nas magníficas instalacións do centro bueués. Moi recompensada coa ovación do público asistente. Despois foron guiados polo grupo anfitrión a unha visita á vila de Bueu aproveitando o roteiro do río Bispo ata a praia de Banda do Río. E como non, compartiron xantar e continaron afianzando lazos de amizade para o futuro.
E aínda houbo tempo para desprazarse a Cangas e achegarse a Vigo en barco para gozar da cidade olívica.
As mellores fotos da visita, picando na imaxe:
Volveremos encontrarnos
A Aula de Teatro Avelaíñas do Losada, completa con éxito un novo curso de obradoiro teatral. A última semana do curso puxo en escena, magnificamente, a súa particular adaptación do Romeo e Xulieta, que fixo as delicias do público e para a que levaban traballando estes dous últimos trimestres.
Os pases para o alumnado foron o día 16 pola tarde e pola noite para as familias
A última posta en escena que foi o xoves 18 de xuño no IES Johan Carballeira de Bueu, á que dedicaremos a seguinte entrada neste blog, así como a crónica da visita do seu grupo de teatro que actuou para a comunidade educativa do Losada o mércores 17 de xuño.
Para quen non puido gozar de Romeo e Xulieta en directo, aí queda o pase íntegro realizado o 16 de xuño para o público xeral no Losada.
Non podía faltar aquí a reseña da XIII Festa das palabras Dinamizaestrada na que o Losada estivo volveu estar representado. Foi o mércores 27 de maio, nunha noite moi especial nun Teatro Principal ateigado de palabras, música e xente. Parabéns aos nosos premiadas e premiadas ker Recio Matalobos, 2º BAC, Antía Buela Bugallo 1º BAC, Eva Calvelo Rivas 4º ESO, e Lidia Márquez Méndez 3º ESO. Tamén estiveron por alí, acompañando e entregando os premios dunha das categorías, Pablo Priege e Noelia Castaño.
Non faltou a fermosa alocución do padriño da promoción, Xosé Lueiro lemos, e a música a cargo de Gloria Pavía, cantante e ilustradora de Santiago de Compostela.
A Festa terá lugar o 27 de maio no teatro principal ás 8 da tarde e podes consultar toda a información sobre a mesma no blog de DINAMIZAESTRADA.
O Losada, coma sempre, estará representado polo alumnado gañador dos concursos de micropoemas e microrrelatos nas súas respectivas categorías:
Iker Recio Matalobos, 2º BAC, Antía Buela Bugallo 1º BAC,
Eva Calvelo Rivas 4º ESO, e Lidia Márquez Méndez 3º ESO
Esta vez, o alumnado de terceiro de ESO traballou con pezas de Lego para coñecer mellor a súa contorna e inquedanzas, e coma sempre expresando ca lingua galega.
De xeito ideal quedaron construccións únicas: ríos, montes ou mesmo a casa de algún famoso veciño:
Increíbles as representacións do noso centro que se elaboraron en conxunto:
.jpeg)
.jpeg)
