O LOSADA PARTICIPA NUNHA NOVA EDICIÓN DA FESTA DAS PALABRAS DINAMIZAESTRADA 2026

Foi presentada a XIII edición da FESTA DAS PALABRAS organizada polo colectivo DINAMIZAESTRADA, que agrupa aos Equipos de dinamización da lingua galega dos dez centros educativos da Estrada.

A Festa terá lugar o 27 de maio no teatro principal ás 8 da tarde e podes consultar toda a información sobre a mesma no blog de DINAMIZAESTRADA.

O Losada, coma sempre, estará representado polo alumnado gañador dos concursos de micropoemas e microrrelatos nas súas respectivas categorías:

Iker Recio Matalobos, 2º BAC, Antía Buela Bugallo 1º BAC, 

 Eva Calvelo Rivas 4º ESO, e Lidia Márquez Méndez 3º ESO 

 

Nova actividade Ga-Lego

 Esta vez, o alumnado de terceiro de ESO traballou con pezas de Lego para coñecer mellor a súa contorna e inquedanzas, e coma sempre expresando ca lingua galega.

De xeito ideal quedaron construccións únicas: ríos, montes ou mesmo a casa de algún famoso veciño:

Increíbles as representacións do noso centro que se elaboraron en conxunto:

VIDEOCONECTAD@S CO CEIP O FOXO

Un ano máis levouse a cabo a experiencia videoconectad@s, nesta ocasión co CEIP O Foxo.

Os alumnos de quinto de primaria prepararon unhas exposicións sobre os oficios dos que se imparten ciclos no noso centro. 

Os alumnos de ciclos de madeira, administración e tamén da ESO tiveran a oportunidade de ver a estupenda presentación e intercambiar dúbidas sobre como se aprenden os oficios no centro. 

Quedan ahí algunhas fotos, e agardamos unha visita pronto!

OS VIDEOXOGOS EN GALEGO

 

O pasado venres, 17 de abril, puxemos fin á semana dedicada aos videoxogos en galego co obradoiro e charla, moi interesantes, a cargo de Ana Doval Fernández, traductora, comunicadora e investigadora de videoxogos da Universidade de Vigo.

O alumnado de 1º BAC mesmo tivo a oportunidade de xogar a un dos xogos realizados por este proxecto e tamén de coñecer o proceso de tradución/localización dos videoxogos. Moi interesante e divertido.

O TEU PROXECTO EN GALEGO

Sodes moitos os estudantes que, aínda que galegofalantes, optades por redactar o proxecto en castelán. Comeza unha nova campaña no Losada que vos invita a elaborar o voso proxecto de fin de ciclo en galego.

O equipo da lingua galega está máis que disposto a axudar e asesorar con dúbidas que poidades ter. Pregunta por nós!