Nadal en galego

RECOMENDACIÓNS LECTORAS E MUSICAIS PARA DÍAS DE LECER

 DESCARGA O CARTEL

NOVEMBRO, MES DA CIENCIA EN GALEGO (II)

Rematamos novembro cunha nova actividade arredor da ciencia en galego. 

O alumnado de 2º Bach de Ciencias da terra e do medioambiente ofreceron unha magnífica actividade  divulgativa sobre os  homenaxeados polo Día da Ciencia en Galego, Turing e Tarsy Carballas e da homenaxeada pola Real Academia Galega de Ciencias este ano, Ximena F. de la Vega, xenetista. 

A actividade tivo como destinatarios os grupos de 1º da ESO, o xoves 25 e o venres 26. Conformaron ademais un público atento e participativo e non fallaron na resposta dos xogos e actividades que o alumnado de Bacharelato lles propuxo.

Un DEZ para todos e todas e para a CIENCIA EN GALEGO.

Aí quedan algunhas imaxes:

NOVEMBRO, MES DA CIENCIA EN GALEGO (I)

Este curso celebramos a ciencia en galego de diferentes maneiras. A primeira foi unha estupenda xornada de traballo do alumnado de 1º ESO que participou moi activamente na experiencia de MICORRIZADO DE CASTIÑEIROS. 

Guiados/as polo profe Jacobo do Departamento de madeira e da profe Maite, de Bioloxía, dedicáronse a buscar as raíces dos castiñeiros do xardín do centro para impregnalas con hifas de fungo (boletus) coa esperanza que saian no próximo outono uns ricos cogomelos.

A experiencia resultou moi interesante e serviu para aprender novas palabras na nosa lingua relacionadas co ámbito cientítico. Aí quedan algumhas imaxes:

A AULA DE TEATRO AVELAÍÑAS COMEZA AS SÚAS SESIÓNS DE TRABALLO

 Un curso máis, a aula de teatro Avelaíñas, do noso centro, deu comezo aos seus ensaios semanais, o pasado martes 19 de outubro. Un numeroso grupo de rapaces de 1º, 2º e 3º ESO acolleu con entusiasmo ao novo profe de teatro, o actor, monologuista e locutor de Radio Estrada, Fran Campos. Aí quedan as fotos da primeira sesión.

Moito ánimo e moita sorte no traballo que queda por diante.

DESEÑOS E LEMAS PARA O DÍA DAS BIBLIOTECAS 2021

 A Biblioteca do Losada convoca un certame de deseño e de lemas para celebrar o Día das Bibliotecas. Aí tes as bases do mesmo:

BENVIDO CURSO 2021-2022. XA ESTÁ AQUÍ O CALENDARIO DO 1º TRIMESTRE

Un curso máis o EDL do Losada ofréceche unha ferramenta útil para organizáreste mellor: o calendario mensual, que nesta edición recolle unha personaxe da nosa cultura, cunha cita da mesma,  e as datas máis sinaladas e celebracións do mes. Comezamos cos meses do primeiro trimestre: setembro, outubro, novembro e decembro.

 Podes descargar e imprimir o teu almanaque:

 

calendario21-22_1ºtrimestre by elogolosada

XA PODES CONSEGUIR A REVISTA DO EDLG: ELOGHO? 2021

 Desde a semana pasada xa circula de man en man a nosa publicación. Moitas páxinas con artigos, entrevistas, reportaxes, ilustración, creación, unha fermosa capa a toda cor...

Imaxe da capa da revista

Se aínda non a tés, fai por conseguila. E se queres descargala a toda cor podes facelo aquí:

Revista ELOGHO? 2021 by elogolosada

VIII FESTIVAL DE TEATRO ESCOLAR DA ESTRADA. EN MARCHA!!!

 

Desde o pasado venres, 28 de maio, está en marcha o VIII Festival de teatro escolar organizado pola aula de teatro AVELAÍÑAS do Losada Diéguez.

Xa remataron, a día de hoxe os roteiros previstos, o venres destinado ao alumnado do centro e o do sábado que tivo como público ás familias. Ambos na fermosa contorna da Fervenza de Ouzande.

En seguintes entradas faremos crónicas de todas as actuacións.

Toda a programación na WEB DO CENTRO.

Imaxe dun dos ensaios en Ouzande

ENTREGA DE PREMIOS DO CONCURSO DE FOTOGRAFÍA XELA ARIAS 2021

FALLO DO XURADO DO CONCURSO DE FOTOGRAFÍA XELA ARIAS

LETRAS GALEGAS 2021

O Xurado do Concurso de Fotografía Xela Arias das Letras Galegas 2021 valorou moi positivamente a cantidade e calidade dos traballos presentados ao mesmo. Foi complicado facer a escolla das imaxes finalistas que reuniron orixinalidade, calidade e adecuación ao poema escollido por cada unha delas.

O xurado quere facer felicitar a estes finalistas e a todos e todas os participantes polo traballo realizado.

A elección dos gañadores e gañadoras foi realizada por votación de 20 representantes do profesorado e doutros sectores da comunidade educativa do Losada. Así, unha vez feito o reconto de votos, o xurado decidiu outorgar as seguintes mencións e premios:

-Mención para as fotografías finalistas, que reciben un diploma e un vale de cafetería:

Candela Rivas Neira 1º ESO

Sara Ramos Vázquez 2° ESO

Uxía Vilariño Novio 2º ESO

Xeila Gomez Naveiro 3°ESO

Xabier Ferro Miranda 3º ESO

Uxía Docampo Magariños 3° ESO

David José Alvarellos Moure 3°ESO

Iria Rodríguez Arias 4º ESO

-Accésits para os seguintes participantes, que reciben un diploma, un vale de cafetería, unha pulseira de coiro cun lema en galego e un libro de Xela Arias:

Jacobo Ibáñez Vinseiro 3º ESO

Joel Castro Toledo 1º ESO

-Segundo premio do concurso, que recibe un diploma, un vale de cafetería, unha pulseira de coiro cun lema en galego e un libro de Xela Arias, para:

Roberto Vilas López 3º ESO

-E primeiro premio do concurso, que recibe un diploma, un vale de cafetería, unha cunca de Rosalía de Castro e un libro de Xela Arias para:

Laura Piso Migúelez 1°Bach

 

10 FOTOGRAFÍAS FINALISTAS NO CONCURSO DAS LETRAS GALEGAS

O xurado escolleu os 10 traballos finalistas do Concurso de Fotografía Letras Galegas 2021. Os autores e autoras das mesmas son:

Candela Rivas Neira 1º ESO, Joel Castro Toledo 1º ESO, Xeila Gomez Naveiro 3°ESO, Roberto Vilas López 3º ESO, Xabier Ferro Miranda 3º ESO, Uxía Docampo Magariños 3° ESO, Sara Ramos Vázquez. 2° ESO, David José Alvarellos Moure 3°ESO, Uxía Vilariño Novio 2º ESO, Iria Rodríguez Arias 4º ESO, Jacobo Ibáñez Vinseiro 3º ESO, Laura Piso Migúelez 1°Bach.

 O VENRES 21 DE MAIO, NO SEGUNDO RECREO SERÁN ENTREGADOS OS PREMIOS AOS AUTORES E AUTORAS DOS TRABALLOS GAÑADORES. NA BIBLIOTECA DO LOSADA

PODES VER AS FOTOGRAFÍAS FINALISTAS NESTA LIGAZÓN

LETRAS GALEGAS 2021. CONCURSO DE FOTOGRAFÍA

 

O EDLG e a Biblioteca do Losada promoven este ano, dedicado a Xela Arias, unha novidosa iniciativa. Trátasese dun concurso de fotografía artística baseado nunha selección de poemas da autora.

As bases son as seguintes:

• Escolle un dos poemas de Xela Arias. Consulta AQUÍ os poemas que podes utilizar.
  
• Fai unha foto sobre algo que che evoque ese poema e envíaa ao enderezo de correo ler.nolosada@gmail.com antes do 7 de maio
• Non esquezas poñer o título do poema queescolliches e o teu nome e curso ao enviar afoto
• Un xurado decidirá que fotografía serápremiada. Poderá haber máis dun premio

ANÍMATE E PARTICIPA

MATEMÁTICAS, EN GALEGO

Nas pasadas semanas realizáronse no centro diferentes actividades organizadas polo Departamento de Matemáticas que tiveron como fío condutor a utilización do galego no ámbito matemático e científico en xeral. 

A primeira delas foi o martes 22 de marzo, cadrando co inicio da primavera. Realizouse unha vez máis o experimento Eratóstenes por parte do alumnado de 4º ESO, guiado polo seu profe Cibrán. Utilizando unha mesa, un pao de 1 m. de lonxitude, un nivel e a sombra do sol, calcularon, a partir de operacións básicas de trigonometría, a circunferencia da terra. 

Esta actividade realízase en máis centros do mundo ao mesmo tempo.

 

Por outra banda, o pasado mércores 14 de abril, tivemos a ocasión de contar no salón de usos múltiples do Losada cos profesores da Universidade de Vigo, Nicanor Alonso Mirás, autores do Libro Mate-glifos.

O alumnado de 4º  e tamén de 2º de ESO tivo a ocasión de desfrutar dunha interesante e amena charla sobre enredos e entretementos matemáticos. Podes ler unha completa crónica no Blog da Biblioteca.

 

FINALISTAS E GAÑADORES/AS DO VIII CONCURSO DINAMIZAESTRADA 2021

 

O pasado 24 de marzo na Biblioteca do Losada foron entregados os diplomas dos finalistas e gañadores e gañadoras do Concurso de Microrrelatos e Micropoemas do noso centro.

Foron:

MICROPOEMAS
PALABRA ESCOLLIDA: LINDO

CATEGORÍA B1, 1º E 2º ESO

Finalista: Nuria Muiños Míguez, 2º ESO

Gañador: Xabier Casal Serantes, 1º ESO


CATEGORÍA B2, 3º E 4º ESO

Finalista: Darío Blanco Ruzo, 3º ESO

Gañador: Xabier Ferro Miranda, 3º ESO

CATEGORÍA C,  BACHARELATO E CICLOS

Finalista: Andrea Mosteiro Sanxiao, 2º BAC

Gañador: Gael Campos Picallo, 2º BAC


MICRORRELATOS
PALABRA ESCOLLIDA: CABALOS

CATEGORÍA B1, 1º E 2º ESO

Finalista: Lara Rey Rosende, 1º ESO

Gañador: Iago Rey Gañete, 2º ESO


CATEGORÍA B2, 3º e 4º ESO

Finalista: Uxía Rosende Diéguez, 3º ESO

Gañadora: Carmen Ruibal Picáns, 3º ESO


CATEGORÍA C,  BACHARELATO E CICLOS

Finalista: Gael Campos Picallo, 2º BAC

Gañadora: Carla Villaverde Núñez, 2º BAC

O VÍDEO COAS IMAXES DO EVENTO

NOVA EDICIÓN DO CERTAME DE MICRORELATOS DA EOI DE PONTEVEDRA NO LOSADA

A EOI de Pontevedra celebra un certame de micro-relato o vindeiro XOVES 15 DE ABRIL en colaboración co Concello de Pontevedra. 

RELATOS: as persoas participantes deberán crear un texto literario de 150 palabras como máximo “in situ”, durante 110 minutos, a partir da “inspiración” que lles suxiran 3 palabras escollidas no momento de comezar a proba.  

PARTICIPANTES: Poderán participar no concurso todas as persoas maiores de 14 anos que o desexen (sexan ou non alumnado da EOI de Pontevedra).

PREMIOS:
1º premio: vale de 200€ para a compra de libros, CDs ou DVDs en galego
2º premio: vale de 150 € para a compra de libros, CDs ou DVDs en galego
3º premio: vale de 100€ para a compra de libros, CDs ou DVDs en galego
Ademais, o xurado resérvase a posibilidade de entregar dous accésits de 50€ cada un.

BASES COMPLETAS

LUGAR: AULA 103

HORA: 19:00 (e non ás 19:30 como se di nas Bases)

 

O ALMANAQUE DO 3º TRIMESTRE

Aínda de vacacións, ofrecémosche o calendario do terceiro trimestre deste curso. Continuamos dedicándolle os diferentes meses a persoas senlleiras da nosa cultura e as nosas letras. Recordámosche ademais as efemérides máis salientables de cada mes.  Estes contidos foron escollidos por Andrea Mosteiro Sanxiao, alumna do EDLG, que cursa 2º BAC.

A continuación podes descargar e imprimir o calendario deste terceiro trimestre trimestre:

calendario20-21-3t by elogolosada on Scribd

DÍA DE ROSALÍA 2021

 Como todos os cursos, o 24 de febreiro celebramos a Rosalía. Nesta ocasión, sumámonos á iniciativa da AELG coa realización dunha coreografía para Rosalía que podedes ver no vídeo de abaixo. Parabéns a Alba Figueiras Regengo de 3º da ESO pola súa adaptación ao ballet clásico dun fragmento de Adiós ríos...

 

Por outra banda, o alumnado de 1º ESO realizou uns fermosos deseños da nosa escritora, acompañándoos de textos da mesma. Están expostos nos corredores do 2º andar do centro:

LINGUA DE AMOR 2021

Chegou febreiro e con el o casamento dos paxariños e o valentín a guindar frechas. Un ano máis achegamos un poema de amor na nosa lingua e un vídeo con diferentes versións musicais do mesmo. Este ano escollemos a Rosalía. Aí queda un fermoso poema de amor da nosa escritora:

 

Se queres descargalo en PDF, podes facelo NESTE ENLACE.

E para poderes cantalo, aí vai o vídeo:

E XA SABES, NESTES DÍAS DE AMOR. PODES DICIRLLO OU ESCRIBIRLLO EN GALEGO

Concurso de micropoemas e microrrelatos DINAMIZAESTRADA 2021

 Está en marcha a sétima edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada. 

Este ano as palabras escollidas foron: CABALOS, para os microrrelatos, e LINDO para os micropoemas, en homenaxe aos títulos da autora escollida para as Letras Galegas do 2021, Xela Arias.

Aquí podes ler, descargar, imprimir... as bases do certame. ANÍMATE E PARTICIPA!!!