Coñecemos Portugal, aprendemos portugués

O IES Antón Losada iniciou este curso a impartición da materia de Portugués como idioma optativo para o alumnado de 1º da ESO. Xa nos tardaba no centro poder achegarnos á lingua irmá e a favorecer ente o alumnado o coñecemento da cultura portuguesa coa que nos unen lazos primeiros da nosa historia. Para poñer en práctica as primeiras nocións aprendidas e coñecer de primeira man este territorio da outra beira do Miño, os alumnos de Portugués do Losada viaxaron este mes, xunto cos doutros centros da contorna, á cidade do Porto. Formidable experiencia de convívio e aprendizaxe!