Antía, Irene, Elena, Verónica e a profe Pilar escolleron textos de Lois Pereiro, Marilar Aleixandre, Carlos Negro, Manolo Rivas e Ana Romaní, para recitalos o pasado 8 de decembro de 2016.
A crónica da actividade, por Verónica Pereiras.
Todo comezou ás sete 7:30 da tarde. As alumnas Elena, Inma e Irene xunto coa mestra Pilar Gato e eu reunímonos na Cafetería Boliche. Alí atopámonos cunha ex-alumna do IES, Cristina e xunto con algún alumno de segundo de bacharelato. Mentres estabamos tomando algo mantivemos unha conversa do máis divertido. Na conversa había frases como – Ai, a min se me guiña un ollo xa me ten ganada; -Gardade os cartos ou todos para setembro!; -Vés que listo é! Entre gargalladas, berros e bromas os nervios íanse marchando das nosas mentes, deixándonos así máis relaxadas e cunha gran autoestima.
As oito marchamos o teatro, sentámonos nas cadeiras esperando a nosa quenda e escoitando as autoridades do concello e aos nenos de outras escolas e IES. Aproximadamente ás nove da noite, o presentador chama por nós, e dirixímonos ao esceario. Os nervos comezaron a medrar de novo apoderándose de nós. A primeira en ler foi Elena, unha gran lectura que deixaba o listón moi alto ás demais. Elena leu o seu texto dunha maneira moi doce, moi peculiar. Despois de Elena tocoume a min -nese intre no que lía Elena eu só pensaba en que non me entrase o hipo- lin un poema de Marilar Aleixandre chamado Derrotas domésticas. Seguidamente leu Irene e logo Inma, que ben o fixeron estas compañeiras! Aportáronlle aos seus poemas a súa forza e a súa esencia e por último foi a mestra Pilar. A mestra deixou o público coa boca aberta e a nós emocionadas, daba gusto ver como ese poema que ela leu era como se fose escrito precisamente para ela. O terminar de ler regaláromnos un libro de poesía contemporánea, titulado INEM.
Ás dez o acto terminou, deixándonos a todas moi satisfeitas polas nosas lecturas e orgullosas de representar ao Instituto neste acto.
Ningún comentario :
Publicar un comentario