A PANADARÍA NO LOSADA

Celebramos o Día da Muller con teatro, feito por mulleres, en galego.
O grupo de teatro santiagués, A Panadaría, presenta este luns, 7 de marzo, PAN! PAN! no salón de actos do IES Antón Losada.

PAN!PAN! é unha parodia, con música vocal en directo, dos westerns americanos. Conta a historia de Harry, un cowboy que viaxa de Mississippi a Arkansas perseguindo a un indio salvaxe que roubou á súa muller, da que está profundamente namorado.

En escena, tres actrices constrúen 8 personaxes, 5 espazos e toda a música do espectáculo axudadas só por unha bandeira dos EEUU. A comedia fai unha caricatura dese mundo sen lei dos ranchos vaqueiros, as fedorentas cantinas e os desertos cheos de perigos. Como nunha película do Far West, haberá whisky, balas e country. Amor e vinganza a partes iguais!

 

- Premio da Crítica Galicia 2015

- Areta Bolado Mellor Actriz Secundaria nos Premios María Casares 2015

- Nominada a Mellor Música Orixinal nos Premios María Casares 2015

- Primeiro premio Xuventude Crea 2013

Creación e interpretación: Areta Bolado, Noelia Castro, Ailén Kendelman

Idea orixinal / texto: Areta Bolado

Música orixinal: Ailén Kendelman

Atrezzo: Isabel Mouzo

Iluminación: Montse Piñeiro

Fotografía: Pilar Abades

Deseño gráfico: Noelia Castro