Que tal foron as lecturas do Nadal en Galego?

Xa viches por todo o centro os carteis anunciadores de obras literarias e musicais en galego. Escolliches algún para o Nadal. En realidade podes gozar delas todo o ano:

Celebramos un ano máis a CIENCIA EN GALEGO

O pasado venres deron comezo as actividades coordinadas polo EDL do Losada para reivindicar, un ano máis o uso do galego no ámbito científico.

Na primeira sesión, o profesor da Facultade de Minas e Enerxía da Universidade de Vigo, Raul Figueroa, achegou a un interesado grupo de alumnos e alumnas de 4º ESO, 1º e 2º BAC, moita información sobre Materiais intelixentes.

Esta semana completaremos o primeiro ciclo do programa con máis actividades.

CONSTITUCIÓN DO EDLG DO LOSADA. ANÍMATE E PARTICIPA

CONTAMOS CONTIGO!!!

O CALENDARIO DO CURSO 2019-20

 

Un curso máis o EDL do Losada ofréceche unha ferramenta útil para organizáreste mellor: o calendario mensual, que nesta edición recolle un refrán por mes, e as datas máis sinaladas e celebracións do mesmo. Comezamos cos meses do primeiro trimestre: setembro, outubro, novembro e decembro.

Podes descargar e imprimir o teu almanaque aquí: 

calendario19-20_1º trimestre by elogolosada on Scribd

BENVIDO CURSO 2019-20

Comezamos un novo curso con ánimos renovados. Quedan meses de traballo por diante e de esforzo dinamizador. Un novo curso polo noso idioma.

Para facilitar o traballo, especialmente dos/das docentes, pero tamén para o alumnado, achegamos o traballo realizado polo movemento de renovación pedagóxica, Nova Escola Galega, que nos ofrece diversos materiais en galego: calendario anual, temporización, etc. 

Podes descargalos directamente:

Calendario escolar PDF

Calendario escolar EXCEL

Temporización PDF

Temporización EXCEL

Tamén tés algunhas axendas en galego no mercado, ben chulas:

Axenda escolar en galego

Axenda escolar animosa

Axenda escolar Baía

ELOGHO 2019 xa está aquí. A revista do Losada.

Xa tés a túa revista en papel ou dixital.

Capa da revista

(deseño de Yolanda Blanco e Antía Peleteiro, de 4ª ESO)

 Máis imaxes, máis colaboracións, máis información, en 36 páxinas que podes ver, imprimir ou descargar aquí a toda cor.

Revista elogho? 2019 by on Scribd

Conversa con Héctor Cajaraville

Despois da lectura de Once portas e de achegármonos á figura de Antonio Fraguas a través das páxinas da biografía do bo mestre, o encontro desta mañá con Héctor Cajaraville foi case un reencontro. O alumnado de 3º e 4º da ESO mantivo co autor unha conversa fluída sobre a personalidade de Fraguas, sobre a investigación para construír unha biografía, sobre o oficio da escrita, sobre os libros que marcan... Unha batería de preguntas ben interesante duns entrevistadores de primeira. Parabéns a tod@s e graciñas a Héctor Cajaraville pola súa conversa aberta e amena.