E aquí podes compartilo, imprimilo, descargalo...
Nadal en Galego 2016 by elogolosada on Scribd
luns, 19 de decembro de 2016
martes, 13 de decembro de 2016
AVELAÍÑAS TEATRO no PRINCIPAL DA ESTRADA
O próximo domingo, o grupo de teatro do IES Antón Losada Diéguez, fai a presentación do seu traballo neste primeiro trimestre, coa posta en escena de FANTAMIMO. Non podes perdela.
Cartel anunciador da actividade
Cadeira realizada para o espectáculo por parte
do alumnadoe profesorado do ciclo de Madeira
do Losada
venres, 2 de decembro de 2016
Etiquetas no Losada
O pasado 29 de novembro tivo lugar un acontecemento teatral ao que asistiron 300 alumnos do IES Antón Losada. Tratábase da posta en escena de Etiquetas, representada polo actor galego, de Palas de Rei, Óscar Varela. Aí quedan as reseñas da obra de Yaiza Magariños e de Adrián García, e unhas imaxes do evento.
Neste monólogo, o actor, interpretando a un vagabundo, amosa como nesta sociedade na que vivimos deixámonos guiar máis polos prexuízos, ou pola apariencia dar persoas, que por como son en realidade, xa que moitas veces non lle damos a oportunidade de conversar, polas impresión que nos transmiten.
A peza teatral está enfocada no desexo dun home de deixar atrás as crenzas e as “etiquetas” pasa do paso a un mundo no que todos poidamos convivir, sen ser rexeitados por un grupo de persoas. Só por ser diferentes, e no que todos teñas as mesmas posibilidades.
Óscar expresa estes conceptos, vestíndose de vagabundo, e logo de executivo, que non por ter un traxe é mellor persoa. Ao final da representación pide que nos afastemos de todo tipo de prexuízo e que sexamos nos mesmos.
Yaiza Magariños Vilariño, 2º BACH - A
Neste monólogo, o actor, interpretando a un vagabundo, amosa como nesta sociedade na que vivimos deixámonos guiar máis polos prexuízos, ou pola apariencia dar persoas, que por como son en realidade, xa que moitas veces non lle damos a oportunidade de conversar, polas impresión que nos transmiten.
A peza teatral está enfocada no desexo dun home de deixar atrás as crenzas e as “etiquetas” pasa do paso a un mundo no que todos poidamos convivir, sen ser rexeitados por un grupo de persoas. Só por ser diferentes, e no que todos teñas as mesmas posibilidades.
Óscar expresa estes conceptos, vestíndose de vagabundo, e logo de executivo, que non por ter un traxe é mellor persoa. Ao final da representación pide que nos afastemos de todo tipo de prexuízo e que sexamos nos mesmos.
Yaiza Magariños Vilariño, 2º BACH - A
O pasado martes 29 de Novembro tivo lugar no instituto Antón Losada Diéguez, a peculiar obra de teatro “Etiquetas”, de Óscar Varela. Este, facendo un monólogo, removeu conciencias gracias ao coñecido Teatro social, que consiste en criticar algo mediante a interpretación. Neste caso, Óscar Varela, criticou os prexuizos que impón a sociedade. Interpretando a un indixente, deixa ver como a sociedade rechaza o diferente, repele ao distinto o “estandar”. Pobre, apestoso, gorda… estes son alguns dos obxectivos que utiliza o monologuista para profundizar na obra. Tras unha breve introducción por parte dalgúns alumnos de cuarto da ESO comenzou a actuación, e tras rematala comenzou a ronda de preguntas. Nesta última parte xurdiron preguntas interesantes como “Por que un monólogo” ou “É máis fácil unha obra con compañeiros en escena ou un monólogo?”. O galego contestou “porque é un reto sempre estar no escenario, non tes o calor dos teus compañeiros” e “ respecto a segunda pregunta, é un pouco o que dixen antes, non tés ese respaldo que che ofrecen os outros actores, os teus compañeiros”. Houbo criticas moi positivas e o actor estaba encantado de poder remover as conciencias dos xoves.
José Adrián García Rivas 2º BAC A
(Transcribiron os textos, Eva Cimadevila e Inés Guimarey de FPB2)
Lorena, Paula, Verónica e Laura presentaron o espectáculo
xoves, 1 de decembro de 2016
AVELAÍÑAS TEATRO na Homenaxe ao mestre Olimpio Arca
O martes 29 de novembro celebrouse no Principal da Estrada unha Homenaxe Teatral no 2º cabodano do pasamento do mestre e escritor Olimpio Arca Caldas, organizada pola Asociación Vagalumes. O seu labor docente complementábase co de autor de moitas obras de teatro que mesmo utilizaba como ferramenta pedagóxica, no que foi un verdadeiro precursor. No acto participaron varios centros educativos da Estrada, entre os que estaba o IES Antón Losada Diéguez, a través do seu grupo Avelaíñas Teatro, que pechou o evento coa magnífica posta en escena dunha serie de puquenas pezas que arrincaron os aplausos dos asistentes. Parabéns e aí quedan algunhas imaxes.
mércores, 30 de novembro de 2016
O VIDEO DO CORO DO HOCKERILL EUROPEAN COLLEGE NA IGREXA ROMÁNICA DE OUZANDE
O pasado 18 de outubro e dentro das actividades organizadas polo IES Antón Losada Diéguez no Intercambio Musical e cultural co Hockerill European College tivo lugar un momento musicalmente máxico.O Coro do Hockerill College interpretou a peza God so loved the world by John Stainer na Igrexa románica de Ouzande no contexto dunha visita guiada á mesma. Aí tés o vídeo para o gozares:
xoves, 24 de novembro de 2016
Nastasia Zürcher Beat Trío no Losada.
O DÍA DA MÚSICA NO IES ANTÓN LOSADA DIÉGUEZ O IES Antón Losada Diéguez celebrou, como ven sendo tradición, o día de Santa Icía, patroa da música, cun concerto musical de primeiro nivel.
Nesta ocasión, a artista convidada foi a cantante galego-suíza, Natasia Zürcher acompañada de Narci Rodríguez e Adrián Saavedra. O concerto tivo lugar martes 22, no Salón de Actos do instituto e asistiu o alumnado de 3º e 4º de ESO, así como o de 1º de Bacharelato. A actividade foi organizada polo Departamento de Música e contou coa colaboración do Departamento de Inglés e da Vicedirección de Actividades Culturais.
Aí quedan as imaxes dunha mañá intensa e chea de moi boa música e boas vibracións.
O equipo de audiovisuais do EDL editou este vídeo, no que Nastasia interpreta un dos seus temas en galego, Voar.
Nesta ocasión, a artista convidada foi a cantante galego-suíza, Natasia Zürcher acompañada de Narci Rodríguez e Adrián Saavedra. O concerto tivo lugar martes 22, no Salón de Actos do instituto e asistiu o alumnado de 3º e 4º de ESO, así como o de 1º de Bacharelato. A actividade foi organizada polo Departamento de Música e contou coa colaboración do Departamento de Inglés e da Vicedirección de Actividades Culturais.
Aí quedan as imaxes dunha mañá intensa e chea de moi boa música e boas vibracións.
O equipo de audiovisuais do EDL editou este vídeo, no que Nastasia interpreta un dos seus temas en galego, Voar.
venres, 18 de novembro de 2016
ENTREGA DE DIPLOMAS DO DÍA DA CIENCIA EN GALEGO
O xoves 17 de novembro tivo lugar a entrega dos diplomas que recoñecen o labor dos científicos e científicas en prácticas participantes na experiencia das Xornadas pola ciencia en galego que se realizaron o 3 e o 4 de novembro no IES Antón Losada. Aí queda a imaxe do acontecemento.
No mesmo acto, presentouse este vídeo que resume as actividades do VII Día da Ciencia en Galego no Losada, realizado polo Equipo de Audiovisuais do Equipo de Dinamización Lingüística.
No mesmo acto, presentouse este vídeo que resume as actividades do VII Día da Ciencia en Galego no Losada, realizado polo Equipo de Audiovisuais do Equipo de Dinamización Lingüística.
domingo, 13 de novembro de 2016
O alumnado do Losada asiste á representación de Os vellos non deben de namorarse.
Un grupo de 60 rapaces e rapazas do IES Antón Losada Diéguez asistiu o pasado venres á representación da obra de Castelao, Os vellos non deben de narmorarse, que tivo lugar nun ateigado Teatro Principal da Estrada.
O público premio cunha grande ovación o traballo da compañía Teatro do Morcego, encabezada polo actor Celso Parada.
A representación está promovida pola Deputación de Pontevedra, a fin de divulgar a figura e a obra do escritor galego. O EDL Losada e o Dto. de Galego foron os encargados da organización da actividade de dinamización no Losada.
Algúns rapaces de Bacharelato non quixeron marchar sen tirar unha foto cos seus actores favoritos, tamén coñecidos polas súas aparicións televisivas.
O público premio cunha grande ovación o traballo da compañía Teatro do Morcego, encabezada polo actor Celso Parada.
A representación está promovida pola Deputación de Pontevedra, a fin de divulgar a figura e a obra do escritor galego. O EDL Losada e o Dto. de Galego foron os encargados da organización da actividade de dinamización no Losada.
Algúns rapaces de Bacharelato non quixeron marchar sen tirar unha foto cos seus actores favoritos, tamén coñecidos polas súas aparicións televisivas.
xoves, 10 de novembro de 2016
SEGUNDA XORNADA NA CELEBRACIÓN DO DÍA DA CIENCIA EN GALEGO NO LOSADA
Tableta asquerosa, Torres de Hanoi, Nim, Cubo soma, Fórmula de Arquímedes, Teorema de Pítagoras..., foron os nomes dalgunhas das actividades que o Departamento de Matemáticas e o alumnado de 1º de Bacharelato prepararon para a celebración da segunda entrega da celebración do VII Día da Ciencia en Galego. Os recreos do pasado venres, 4 de novembro, serviron para que un numeroso grupo de rapaces e rapazas, convenientemente guiados polos organizadores, experimentaran diferentes propostas realacionadas co ámbito matemático dun xeito lúdico e na nosa lingua. Como dicían os carteis: UNHA LINGUA SEN LÍMITES.
A celebración das xornadas pola CIENCIA EN GALEGO completáronse cunha mostra de carteis sobre persoas da ciencia ás que se lle dedicou estes anos esta celebración.
Aí quedan as imaxes:
A celebración das xornadas pola CIENCIA EN GALEGO completáronse cunha mostra de carteis sobre persoas da ciencia ás que se lle dedicou estes anos esta celebración.
Aí quedan as imaxes:
xoves, 3 de novembro de 2016
Primeira Xornada da Semana da Ciencia en Galego no Losada.
Globos máxicos, que se inchan sen soprar, billetes que arden e non se queiman, festa da escuma, bebidas mutantes, e mesmo boliñas de sabores para probar. Éxito total esta mañá na celebración do Día da Ciencia en Galego no IES Antón Losada da Estrada.
Durante dúas horas o alumnado de ESO atendeu con entusiasmo ás magnígicas experiencias, moi ben explicadas na nosa lingua, que o alumnado de 2º e 1º de Bacharelato de Bioloxía realizou no Salón de Actos, guiados pola profe Maite. Para que o público gozase aínda máis, e non perdese detalle, habilitouse a transmisión na pantalla do Salón de actos, dos experimentos nun primeirísimo plano, paro o que contamos co inestimable traballo de Nerea Peleteiro, de 4º.
Aí vos deixamos as mellores imaxes. Mañá máis.
Na primeira sesión, o alumnado de Bacharelato realizou os experimentos para 1º e 2º ESO.
Durante dúas horas o alumnado de ESO atendeu con entusiasmo ás magnígicas experiencias, moi ben explicadas na nosa lingua, que o alumnado de 2º e 1º de Bacharelato de Bioloxía realizou no Salón de Actos, guiados pola profe Maite. Para que o público gozase aínda máis, e non perdese detalle, habilitouse a transmisión na pantalla do Salón de actos, dos experimentos nun primeirísimo plano, paro o que contamos co inestimable traballo de Nerea Peleteiro, de 4º.
Aí vos deixamos as mellores imaxes. Mañá máis.
Na primeira sesión, o alumnado de Bacharelato realizou os experimentos para 1º e 2º ESO.
Na segunda sesión, o alumnado de 1º de Bacharelato realizou os experimentos para 3º e 4º ESO.
martes, 1 de novembro de 2016
O DÍA DA CIENCIA EN GALEGO NO IES ANTÓN LOSADA
Chega a sétima edición da Xornada pola Ciencia en Galego nos centros educativos do país. Xa non podemos contar coa magnífica organización que nos ofrecía a Coordinadora Galega de ENDL, xa que esta foi disolta recentemente. Sen embargo, grazas á colaboración de diversos Departamentos didácticos e do EDL Losada, ofrecemos durante esta semana unha serie de actividades de cara a reivindicar o uso do idioma galego en todas actividades relacionadas cos ámbitos científicos e técnicos dentro do ensino secundario. Así, convidamos á comunidade educativa a participar nunhas actividades nas que o alumnado asumirá o papel protagonista e dinamizador, tanto como docentes como destinatarios das mesmas:
CELEBRACIÓN DO DÍA DA CIENCIA EN GALEGO
XOVES 3 DE NOVEMBRO
Salón de Actos
Experimentos científicos realizados polo alumnado de Bacharelato
De 10:45 a 11:35. Alumnado de 2º Bacharelato, dirixido a 1º de ESO E 2º DE ESO
De 11:35 a 12:25. Alumnado de 1º Bacharelato, dirixido a 3º de ESO e 4º de ESO
VENRES 4 DE NOVEMBRO
Zona da entrada do instituto.
1º e 2º recreo. Xogos matemáticos explicados polo alumnado.
TODA A SEMANA
Mostra de paneis divulgativos sobre personaxes da ciencia aos que se lle dedicou o DÍA DA CIENCIA EN GALEGO. Nos corredores do centro.
EQUIPO DE DINAMIZACIÓN LINGÜÍSTICA, DEPARTAMENTOS DE BIOLOXÍA E XEOLOXÍA, FÍSICA E QUÍMICA E MATEMÁTICAS
mércores, 26 de outubro de 2016
Entrega de premios do Concurso de Lemas no Día da Biblioteca.
O pasado luns, 24 de outubro, e día Internacional das Bibliotecas, entregáronse os premios do I Concurso de Lemas de animación á lectura. O acto celebrouse na Biblioteca do Centro e o xurado valorou moi positivamente a participación do alumnado e a calidade dos traballos presentados. Os premios foron os
seguintes.
seguintes.
Mostra cos orixinais gañadores
Asistentes á entrega de premios
Entrega de premios
Premiados e premiadas
mércores, 19 de outubro de 2016
A crónica do encontro musical e cultural co Hockerill Anglo-European College
Día intenso o do martes 18 de outubro, no IES Antón Losada. A música encheu a mañá no centro, grazas á visita dunha comitiva de case 50 persoas, alumnado e profesores do colexio Hockerill, especializado en ensinanzas musicais.
Arredor das 10 da mañá facían chegada en autobús, e foron recibidos polo profesorado organizador e pola Dirección do centro e polo alumnado do Coro.
A partir das 11, comezou no Salón de Actos o encontro musical. O Coro do Losada interpretou pezas do repertorio tradicional na nosa lingua. Estiveron acompañados polo grupo de música tradicional que fixo as delicias dos nosos convidados. Remataron bailando de xeito espóntaneo cos nosos rapaces e rapazas.
Como remate á benvida musical e cultural, proxectouse un vídeo elaborado polo Equipo de Audiovisuais do EDL Losada, en galego e inglés, sobre os aspectos máis salientables do noso Concello.
A seguir tivo lugar a esperada actuación da Big Band do Hockeril Anglo-European College, que fixo un percorrido por diferentes pezas da música contemporánea. A calidade interpretativa dos rapaces e rapazas de Hockerill non deixou indiferentes aos asistentes, que aplaudiron cada peza de xeito entusiasta. O concerto rematou co intercambio de agradecementos despois dunha magnífica sesión de encontro musical.
Ao mediodía, a comitiva do Hocckerill College, acompañada dun grupo de alumnos e alumnas de Bacharelato do Losada, dirixiuse ao adro da parroquia de Ouzande, onde compartiron a hora do xantar, á que seguiu unha visita guiada á Igrexa Románica de Ouzande. Esta rematou coa inesperada e magnífica interpretación por parte dun Coro formado por alumnos e alumnas do Hockerill, dunha peza polífonica do século XVIII dentro do templo ouzandés, que emocinou aos presentes pola súa fermorsura e calidade.
A tarde rematou cun relaxado paseo pola contorna da Fervenza de Ouzande e os seus Muíños.
A actividade foi organizada polo Departamento de Música do IES Losada Diéguez, e contou coa colaboración do Dto. de Inglés, do EDL Losada, e da AC A Fervenza de Ouzande.
Arredor das 10 da mañá facían chegada en autobús, e foron recibidos polo profesorado organizador e pola Dirección do centro e polo alumnado do Coro.
A partir das 11, comezou no Salón de Actos o encontro musical. O Coro do Losada interpretou pezas do repertorio tradicional na nosa lingua. Estiveron acompañados polo grupo de música tradicional que fixo as delicias dos nosos convidados. Remataron bailando de xeito espóntaneo cos nosos rapaces e rapazas.
Como remate á benvida musical e cultural, proxectouse un vídeo elaborado polo Equipo de Audiovisuais do EDL Losada, en galego e inglés, sobre os aspectos máis salientables do noso Concello.
A seguir tivo lugar a esperada actuación da Big Band do Hockeril Anglo-European College, que fixo un percorrido por diferentes pezas da música contemporánea. A calidade interpretativa dos rapaces e rapazas de Hockerill non deixou indiferentes aos asistentes, que aplaudiron cada peza de xeito entusiasta. O concerto rematou co intercambio de agradecementos despois dunha magnífica sesión de encontro musical.
Ao mediodía, a comitiva do Hocckerill College, acompañada dun grupo de alumnos e alumnas de Bacharelato do Losada, dirixiuse ao adro da parroquia de Ouzande, onde compartiron a hora do xantar, á que seguiu unha visita guiada á Igrexa Románica de Ouzande. Esta rematou coa inesperada e magnífica interpretación por parte dun Coro formado por alumnos e alumnas do Hockerill, dunha peza polífonica do século XVIII dentro do templo ouzandés, que emocinou aos presentes pola súa fermorsura e calidade.
A tarde rematou cun relaxado paseo pola contorna da Fervenza de Ouzande e os seus Muíños.
Subscribirse a:
Publicacións
(
Atom
)