O IES ANTÓN LOSADA DIÉGUEZ NA V FESTA DAS PALABRAS DA ESTRADA

O pasado martes, 15 de maio,  presentouse no Concello da Estrada a V Edición da Festa das Palabras, organizada polos Equipos de Dinamización Lingüística, DINAMIZAESTRADA, e que conta coa colaboracón do Concello. No acto estaban presentes representantes dos EDL dos centros educativos e o Concelleiro de Cultura, Juan Constenla.

Desctacouse a importancia da actividade para a dinamización da lingua entre a comunidade educativa, así como o valor desta iniciativa realizada de xeito conxunto entre todos os centros educativos do Concello da Estrada.

Deuse a coñecer tamén a madriña desta nova edición, que neste caso será escritora e actriz Paula Carballeira. A parte musical da festa correrá a cargo do grupo estradense Plan Siberia, que actuou recentemente no noso centro.  Podes ler a crónica e ver as fotos picando AQUÍ.

A data de celebración do evento será o próximo mércores 23 de maio, ás 20:30 no Teatro Principal da Estrada, e no mesmo serán entregados os premios aos 61 rapaces e rapazas gañadoras nesta edición do IV Concurso de micropoemas e microrrelatos, que neste ano de María Victoria Moreno  debían incluír as palabras MAR e FAIADO, respectivamente.

Tamén se presentou o libro no que se recollerán os traballos gañadores, cuxa portada e marcapáxinas foron realizados pola deseñadora estradense Rosa de Cabanas. A publicación inclúe, de novo, 14 ilustración realizadas polo alumnado de infantil dos sete colexios de primaria da Estrada.
Destacar que nesta ocasión estarán presentes, unha vez máis, 6 alumnos e alumnas do IES Antón Losada Diéguez, que acadaron premios nas súas catergorías.

Eva Covas, Iván Calviño, Valeria Gomes, Celia Astorga e Vanessa Agra

Por último, salientamos que nesta ocasión a presentación da V Festa das Palabras será realizada por Irene Blanco Ruzo e Rodrigo Duro Sánchez, de 1º Bacharelato do IES Antón Losada Diéguez. Outro motivo para non faltares.

VIDEOCONECTAD@S. Un novo proxecto do EDL e DINAMIZAESTRADA.

Este curso iniciamos un novo e ambicioso proxecto conxunto, que está nestas datas chegando á súa finalización, e do que xa estamos recollendo froitos positivos. Trátase dun programa de videoconferencias (VIDEOCONECTAD@S) entre os centros de primaria e secundaria. Neste primeiro curso, o alumnado dos centros de secundaria preparou unha serie de temas (científicos, artísticos, medioambienais, culturais, etc..) que expuxo ao alumnado dos dous centros que correspondían a cada un, producíndose un rico intercambio e interación entre emisores e receptores, achegando ademais o uso do galego ás chamadas TIC. O proxecto terá continuidade nos cursos vindeiros.

O IES Antón Losada Diéguez videoconectouse co CEIP de Figueiroa e o CEIP do Foxo os pasados 27 de abril e 4 de maio. O noso equipo estaba formado por alumnado da materia de Cultura Científica  de 4º de ESO, e baixo a coordinación da profesora do EDL Milagros Villanueva, preparou e executou un programa de mini charlas divulgativas de aspectos científicos, como foron:

1. - Por que viven máis as avoas
2. - Como se formou o Universo?
3. - Que hai detrás dun videoxogos? Como se fai un videoxogo?
4. -Que é o cambio climático?
5. - Que á a chuvia ácida?
6. - Que necesita un planeta para ser habitable? Hai vida noutros planetas?
7. - Emocións, sistema nervios. Por que me podedes ver e oír agora mesmo?
8. - Por que se me "pega" esa canción para todo o día?

En ambas ocasións a presentación do equipo de alumnos e alumnas foi excelente. Produciuse, especialmente na segunda sesión un interesante coloquio no que participou o alumnado do CEIP.

As fotos da sesión Videoconectad@s co CEIP Figueiroa picando na imaxe:

E as da sesión co CEIP do Foxo picando nesta imaxe:

Letras Galegas 2018 (II) Música galega hoxe con Dani Lavesedo e Plan Siberia ao vivo.

Moita música contemporánea en galego para celebrar a nosa lingua. O xoves 10 de maio comezabamos cunha interesantísima introdución á música galega hoxe a cargo de Dani Lavesedo, mantedor de gzmusica.com e ademais profe no Losada. Un vertixinoso repaso aos grupos e solistas máis destacados do panorama musical en galego na actualidade.

E para rematar do mellor xeito a mañá musical contamos coa presenza en directo da formación estradense Plan Siberia, liderado por Gabriel Blanco. Presentou temas do seu primeiro disco en galego Volboretei, gañándose o aplauso e a calor do público, que rematou bailando no escenario.

Picando na imaxe poderás ver as mellores fotos do evento:

Letras Galegas 2018. Faladoiro con Ánxela Gracián no Losada

Comezamos coa celebración das nosas letras coñecendo a figura de María Victoria Moreno. Para iso convidamos á tradutora e escritora lucense Ánxela Gracián o pasado martes 8 de maio, que foi "sometida" a un preparado "bombardeo" de preguntas preparadas polo alumnado de 1º Bac. Moi interesantes as cuestións, e moi esclarecedoras as respostas. Coñecemos datos da obra e da figura de María Victoria, pero tamén da ponente, que se sincerou, agradecida co auditorio. Picando na imaxe, poderás ver as mellores fotos do evento:

O alumnado do Losada asiste a obras en galego no Principal da Estrada

 Un ano máis o alumnado do IES Antón Losada tivo a ocasión de participar activamente na campaña dirixida aos centros de secundaria da Estrada, e que é produto do convenio entre estes e o concello estradense.

Programaronse tres obras: O tolleito de Inishmaan, Raclette e Bicos con lingua.

Foron máis de 60 rapaces e rapazas o noso centro que responderon á iniciativa e asistiron ás obras que se puxeron en escena o 16 de marzo, 20 de abril e 4 de maio.

Aí deixamos as imaxes do último espectáculo, Bicos con lingua, de Talía Teatro. Un grupo de alumnos e alumnas do Losada, compoñentes do grupo de teatro do centro, Avelaíñas, quixo retratarses cos actores da obra, cos que mantiveron unha interesante charla.

O club de lectura de 3º despide o curso con Sete caveiras de Elena Gallego

Unha lectura máis, e un debate e posta en común máis de moito nivel no Club de Lectura de 3º. Foi o pasado 8 de maio. Arredor de Sete caveiras, de Elena Gallego.

O correlingua na Estrada

Aí queda o vídeo da participación do IES Antón Losada Diéguez no Correlingua 2018 na Estrada. Foi o pasado 3 de maio.


E así se fixo a pancarta do Losada:

O CORO IES ANTÓN LOSADA DIÉGUEZ no Auditorio do Mar de Vigo.

O xoves 26 de abril o coro do  IES Antón Losada participou na VII edición do Encontro Musical de Alumnado Música que tivo lugar no Auditorio do Mar de Vigo. O evento foi organizado pola Asociación de Profesorado de Música de Galicia (ASOMÚSICA)  contando coa colaboración do concello desta cidade viguesa. No encontro, ademais do estradense, participaron 16 centros toda Galicia.

O coro do IES Antón Losada, formado por 30 persoas (alumnos e profes)  foi dirixido pola profesora Chelo Millán interpretou dúas pezas: unha versión da Xota De Lira, de Xabier Díaz e a peza City of Stars da coñecida película La La Land, colleitando a admiración e abondosos aplausos dos máis de 700 asistentes e participantes na actividade.
A xornada completouse con diversos obradoiros formativos nos que puideron participar os rapaces e rapaces integrantes do encontro: danza Galega, danzas do mundo, percusión, etc.

A actividade está promovida e coordinada polo Departamento de Música e o Equipo de Dinamización Lingüística do IES Antón Losada. O Coro celebra o seu terceiro curso consecutivo de existencia, e leva participado en numerosas iniciativas musicais tanto dentro como fóra do centro educativo.

Podes ver e escoitar a actuación do coro nestes vídeos:

  

Algunhas fotos:

Corredora, de María Reimóndez no Club de Lectura de 1º

O pasado 17 de abril foi a quenda de Corredora, de María Reimóndez. O libro narra a historia de Genet, trasfondo da atleta Tiki Gelana, desde que marcha da súa aldea á cidade e se acaba convertendo en campioa da maratón dos Xogos Olímpicos de Londres.
Interesantísimo e participativo o debate que tiveron os rapaces e rapazas de 1º na Biblioteca. Aí quedan algunhas imaxes.