LINGUA DE AMOR 2021

Chegou febreiro e con el o casamento dos paxariños e o valentín a guindar frechas. Un ano máis achegamos un poema de amor na nosa lingua e un vídeo con diferentes versións musicais do mesmo. Este ano escollemos a Rosalía. Aí queda un fermoso poema de amor da nosa escritora:

 

Se queres descargalo en PDF, podes facelo NESTE ENLACE.

E para poderes cantalo, aí vai o vídeo:

E XA SABES, NESTES DÍAS DE AMOR. PODES DICIRLLO OU ESCRIBIRLLO EN GALEGO

Concurso de micropoemas e microrrelatos DINAMIZAESTRADA 2021

 Está en marcha a sétima edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada. 

Este ano as palabras escollidas foron: CABALOS, para os microrrelatos, e LINDO para os micropoemas, en homenaxe aos títulos da autora escollida para as Letras Galegas do 2021, Xela Arias.

Aquí podes ler, descargar, imprimir... as bases do certame. ANÍMATE E PARTICIPA!!!

CELBRAMOS O DÍA DE CASTELAO

Como todos os cursos, celebramos este 30 de xaneiro o Día de Castelao. A Biblioteca, o Departamento de Lingua Galega, e o EDLG propoñen unha serie de actividades arredor da súa obra e a súa figura. Podes consultalas no blogue da Biblioteca do Losada, picando na imaxe:

Castelao e a estradense Virxinia Pereira 

o día do seu casamento (1912)

XA ESTÁ AQUÍ O ALMANAQUE DO SEGUNDO TRIMESTRE. BENVIDO 2021

Comezamos o ano ofrecéndoche o calendario do segundo trimestre deste curso. Continuamos dedicándolle os diferentes meses a persoas senlleiras da nosa cultura. Recordámosche ademais as efemérides máis salientables de cada mes.  Estes contidos foron escollidos por Andrea Mosteiro Sanxiao, alumna do EDLG, que cursa 2º BAC.

A continuación podes descargar e imprimir o calendario deste segundo trimestre:

calendario20-21-2t by elogolosada

VISITA VIRTUAL Á EXPOSICIÓN GALICIA, DE NÓS A NÓS

 

 

O alumnado de 2º Bacharelato do Losada tivo a ocasión de facer unha visita virtual, ao non ser posible facelo de xeito presencial na Cidade da Cultura de Galicia, á mostra Galicia, de Nós a nós. Un magnífico percorrido por un dos momentos máis importantes da historia social e cultural do noso país no século XX.

A actividade tivo lugar o xoves, 10 de decembro ás 10.00, para un grupo de alumnos/as, e venres 18 de decembro, ás 12.30 h, para o outro grupo.

Máis info sobre a mostra: GALICIA, DE NÓS A NÓS

 

NADAL 2020 EN GALEGO

Un ano máis o EDLG e a Biblioteca do Losada publican as súas propostas para escoitar e ler en galego este Nadal.

Podes descargar o cartel e imprimilo, se queres, aquí:

Un Nadal en Galego 2020 by elogolosada

SEGUIMOS A CELEBRAR O MES DA CIENCIA EN GALEGO NO LOSADA

 O pasado luns seguimos a celebrar a ciencia en galego. O alumnado de 4º ESO asistiu á videoconferencia programada para ese día a cargo do profesor e comunicador Xacobo de Toro. Unha interesantísima e entretida aproximación á realización e difusión de vídeos científicos. 

Tomamos nota para poder chegar a ser algún día youtubeir@s científic@s.